قيس سعيد

 تحول رئيس الجمهورية قيس سعيد  الى مقر البنك الوطني الفلاحي حيث تحدث عن عدد من الملفات التي يجب فتح أبحاث فورية فيها بالنظر إلى خطورتها

سيدي الرئيس هاو باش نعاونك و باش نسهّل عليك الثنية 

السيد إلي إنتي متصور معاه و فرحان بيه و قريب باش تردهولنا المهدي المنتظر سارق البنك الوطني الفلاحي في قرابة 10 مليارات ، كل شيء قدامك سيدي الرئيس بالوثائق و بحكم المحكمة 

هل عندك الجرأة و الشجاعة الكافية باش تحاسبوا ؟؟؟ و إلا الصداقة إلي تربطو بخوك باش تمنعك ؟؟؟؟؟؟ 

نزيدك زيادة سيدي الرئيس السيد هذا سارق أكثر من 170 مليار و من بين الضحايا متاعو نذكروا : 

✅ البنك الوطني الفلاحي

✅ التجاري بنك

✅ بنك الأمان

✅ البنك التونسي الليبي  

✅ الصندوق الوطني للضمان الإجتماعي 

✅ القباضة المالية

✅ أجور العمال 

✅ أموال المساهمين في الشركة 

الحكم عندو قرابة الـ 5 سنوات و إلي حد اليوم لم يرجع الأموال المنهوبة 

مانيش باش نصعبها عليك سيدي الرئيس و نحكيلك علي تورط الشركة في تسفير الشباب إلي سوريا 

سيدي الرئيس الحاجة الوحيدة إلي ريناها منك هي الكلام و الخطابات و التعيينات الفاشلة 

دعمناك و ساندناك فيبالنا باش تنقذ البلاد ياخي زدت كبيتلها سعدها و ضريتها بالتقاعس متاعك ....

 إنتي اليوم المسؤول الأول علي الخراب متاع البلاد لأنك رغم كل الصلاحيات قاعد تتفرج في شعبك يعاني و كأنك موش موجود ....

زايد الكلام .